Не здавайся

Гучыць iзноў у халодных скронях
Усё нельга запомнiць
У табе затоены без мэты
Back-up сусвету.
Стомлены фенiкс

Губляе попел па падлозе,
Азяблы ды босы
У кароткiм палiто на росхрыст,
Мокрыя косы.
Згублена досыць...

Толькi ты не здавайся,
Хто хоча, зыходзiць ўначы
Памiж станцый.
Усiм нельга дапамагчы.
Толькi ты не здавайся...

Складана жыць зусiм без святаў,
Блытаеш даты.
Памiж радкоў па-за "Энтэрам"
Губляеш веру.
Жудасна ў цемры.

Толькi ты не здавайся,
Хто хоча, зыходзiць ўначы
Памiж станцый.
Усiм нельга дапамагчы.
Толькi ты не здавайся...